Zare Jhar Kar Teri

Zarre jhar kar teri pezaron ke Taj-e-sar bante hain sayyaron ke

Hum se choron pe jo farmayen karam Khil'at-e-zar banein pushtaron ke

Mere Aaqa ka woh dar hai jis par Maathe ghis jaate hain sardaron ke

Why Screenshot When You Can Download? Get the App for Efficient Storage!

Mere Isa tere sadqe jaaun Toor be-toor hain bimaron ke

Mujrimo! chashm-e-tabassum rakho Phool ban jaate hain angaron ke

Tere abru ke tasadduq pyare Band karre hain giraftaron ke

Jaan-o-dil tere qadam par ware Kya naseebey hain tere yaron ke

Sidq-o-adl-o-karam-o-himmat mein Chaar su shuhrey hain in charon ke

Bahr-e-tasleem-e-Ali maidan mein Sar jhuke rehte hain talwaron ke

Kaise Aaqaon ka banda hoon Raza Bol baaley meri sarkaron ke