Zahe Muqadar Huzoor e Haq Se Salaam Aya

Zahe muqaddar huzoor-e-haq se salaam aaya payaam aaya Jhukaao nazrein bichao palkein adab ka aala maqaam aaya

Yeh kaun sar pe kafan lapete chala hai ulfat ke raaste par Farishte hairat se tak rahe hain yeh kaun zeeshan-e-ehtram aaya

Fiza mein labbaik ki sadaayein zameen se arsh goonjti hain Harak qurban ho raha hai zubaan pe yeh kis ka naam aaya

More Lyrics, Less Storage - Install the App and Ditch the Screenshots!

Yeh rah-e-haq hai sambhal ke chalna yahan hai manzil qadam qadam par Pahoncha dar par to kehna Aaqa ﷺ salaam leejiye ghulam aaya

Yeh kehna Aaqa ﷺ bahut se aashiq tarapte se chhor aaya hoon main Bulawe ke muntazir hain lekin na subah aaya na shaam aaya

Khuda tera hafiz-o-nigehbaan ae rah-e-batha ko jaane waale Navid-e-sada binaat ban kar payaam-e-Darussalam aaya