Yun Na Tarpaiye Ga

Yun na tadpayiyega khudara khwab mein dijiye ga nazara Tere jaluon mein gum hoon lekin ab talak tujh ko dekha nahin hai

Ek muddat se qalb-e-pareshan muntazir hai tera jaan-e-janan Aa bhi ja gham ke maron ke wali dil sambhale sambhalta nahin hai

Sun lo sun lo meri iltijayein darguzar kar do sari khatayein Aap se barh ke hum aasiyon ka aur koi sahara nahin hai

Stop Wasting Storage - Download Lyrics in Lightweight Text Format!

Meri qismat ki roothi hawao haal-e-dil pe na yun muskurao Kyun na gham ke ye saye dhalenge kya mera koi Aqa nahin hai

Roothti hai khudai to roothe tera rishta Nabi ﷺ se na toote Dekh deewane pyare Nabi ﷺ ke, ishq hai ye tamasha nahin hai

Dhikr kar Sarwar-e-Anbiya ka naam le us Habib-e-Khuda ka Jalwaton khalwaton mein Niazi jo kabhi hum ko bhoola nahin hai