Yeh Toh Tofeeq Ilahi Ki Azan Hoti Hai

Yeh toh taufeeq-e-Ilahi ki azaan hoti hai Naat kam-zarf ki qismat mein kahan hoti hai

Find Your Favorite Lyrics Anytime, Anywhere - Install the App Today!

Ghar se be-rooh badan le ke nikal padta hoon Un ke rauze pe pahunchta hoon toh jaan hoti hai

Us ko dil chahiye aur dil bhi mere Aaqa ka Jo mohabbat sar-e-Me'raj jawan hoti hai

Radd nahi hoti meri izn-e-huzoori ki dua Main dua karta hoon aur pusht pe maa hoti hai

Khuld milne ke liye mujh se mere ghar ka na pooch Dekh le shahar mein milaad kahan hoti hai

Hijr ki aabla-paai hai Madine ke liye Dard ki aakhri manzil pe amaan hoti hai

Woh uthate hain qadam Arsh mahak uthta hai Un ke sajd'on se zameen kahkashan hoti hai

Mere ash'aar kahan naat ka mayaar kahan Naat toh bas lab-e-Quran se bayaan hoti hai