Yeh Toh Tofeeq Ilahi Ki Azan Hoti Hai

یہ تو توفیق الہی کی اذاں ہوتی ہے نعت کم ظرف کی قسمت میں کہاں ہوتی ہے

گھر سے بے روح بدن لے کے نکل پڑتا ہوں ان کے روضے پہ پہنچتا ہوں تو جاں ہوتی ہے

اس کو دل چاہیے اور دل بھی مرے آقا کا جو محبت سر _ معراج جواں ہوتی ہے

رد نہیں ہوتی مری اذن _ حضوری کی دعا میں دعا کرتا ہوں اور پشت پہ ماں ہوتی ہے

خلد ملنے کے لئے مجھ سے مرے گھر کا نہ پوچھ دیکھ لے شہر میں میلاد کہاں ہوتی ہے

ہجر کی آبلہ پائی ہے مدینے کے لئے درد کی آخری منزل پہ اماں ہوتی ہے

وہ اٹھاتے ہیں قدم عرش مہک اٹھتا ہے ان کے سجدوں سے زمیں کاہکشاں ہوتی ہے

میرے اشعار کہاں نعت کا معیار کہاں نعت تو بس لب _ قرآں سے بیاں ہوتی ہے