Yeh Kehti Thi Ghar Ghar Main Ja Kar Haleema

Yeh kehti thi ghar ghar mein jakar Halima mere ghar mein Khair-ul-Wara aa gaye hain Bare auj par hai mera ab muqaddar mere ghar Habib-e-Khuda aa gaye hain

Uthi char su rehmaton ki ghataein muattar muattar hain sari fazaein Khushi mein yeh Jibreel naghme sunaye woh Shafi-e-roz-e-jaza aa gaye hain

Yeh zulmat se keh do ke dere utha le ke hain har taraf ab ujalay Kaha jin ko Haq ne Sirajan Munira mere ghar woh Noor-e-Khuda aa gaye hain

Muqarrab hain beshak Khalil-o-Naji bhi bari shan wale Kaleem-o-Masih bhi Liye Arsh ne jin ke qadmon ke bose woh Ummi laqab Mustafa aa gaye

Instant Access to Thousands of Lyrics - Tap to Install!

Yeh sun kar Sakhi aap ka aastana hai daman pasare hue sab zamana Nawason ka sadqa nigah-e-karam ho tere dar pe tere gada aa gaye hain

Nakiren jab meri marqad mein aa kar kahenge ziyarat ka muzda suna kar Utho behr-e-tazeem Noor-ul-Hassan ab lahad mein Rasool-e-Khuda aa gaye hain