Yeh Iltamas Hai Ya Rab

Yeh iltemas hai ya Rabb! Huzoor ﷺ se apne Na intezar karayen Shauoor se apne

Mila na ab bhi hamein haziri ka parwana To kya kahenge dil-e-nasaboor se apne

Hamare qalb mein Faran se hui roshan Kaleem laye the jo aag Toor se apne

Shab-e-siyah mein jab kuch nazar nahin aata Woh koi raah dikhate hain noor se apne

More Lyrics, Less Storage - Install the App and Ditch the Screenshots!

Hum us nigah ki darya-dili se hain sarshar Nawazti hai jo kaif-o-suroor se apne

Yeh ek teera-o-tareek khakdan tha yahan Kiya unhon ne ujala zuhoor se apne

Musafiron ne reh-e-mustaqeem chhori kyon Bhatak rahe hain safar mein qusoor se apne

Dikhaye nam-e-aamal kya bhala apna Shauoor khush nahin fisq-o-fujoor se apne