Yeh Ikram Hai Mustafa Par Khuda Ka

Yeh ikram hai Mustafa par Khuda ka Ke sab kuch Khuda ka hua Mustafa ka

Yeh baitha hai sikka tumhari ata ka Kabhi haath uthne na paaya gada ka

Chamakta hua chand ghar-e-Hira ka Ujala hua burj-e-arsh-e-Khuda ka

Jo banda Khuda ka woh banda tumhara Jo banda tumhara woh banda Khuda ka

Sahara diya jab mere nakhuda ne Huyi nau seedhi phira rukh hawa ka

No More Screenshots! Save Storage with Our Lyrics App!

Agar zer-e-deewar-e-Sarkar baithun Mere sar pe saya ho fazl-e-Khuda ka

Azaan kya jahan dekho imaan walo Pas-e-zikr-e-Haq zikr hai Mustafa ka

Ke pehle zabaan hamd se paak ho le To phir naam le woh Habib-e-Khuda ka

Khuda madh-khwan hai Khuda madh-khwan hai Mere Mustafa ka mere Mustafa ka

Bhala hai Hasan ka janab-e-Raza se Bhala ho Ilahi janab-e-Raza ka