Yeh Ikram Hai Mustafa Par Khuda Ka

یہ اکرام ہے مصطفیٰ پر خدا کا کہ سب کچھ خدا کاہوا مصطفیٰ کا

یہ بیٹھا ہے سکہ تمہاری عطا کا کبھی ہاتھ اٹھنے نہ پایا گدا کا

چمکتا ہوا چاند غارِ حرا کا اُجالا ہوا برج عرشِ خدا کا

جو بندہ خدا کا وہ بندہ تمہارا جو بندہ تمہارا وہ بندہ خدا کا

سہارا دیا جب مرے ناخدا نے ہوئی ناؤ سیدھی پھرا رخ ہوا کا

اگر زیرِ دیوار سرکار بیٹھوں میرےسرپہ سایہ ہوفضلِ خدا کا

اذاں کیا جہاں دیکھو ایمان والو پسِ ذکرِ حق ذکر ہے مصطفیٰ کا

کہ پہلے زباں حمد سے پاک ہو لے تو پھر نام لے وہ حبیب خدا کا

خدا مدح خواں ہے خدا مدح خواں ہے مرے مصطفیٰ کا مرے مصطفیٰ کا

بھلا ہے حسنؔ کا جنابِ رضا سے بھلا ہو الہی جناب رضا کا