Yeh Hai Diyar e Payamber

Yeh hai dayar-e-Payambar yaheen thehar jaayen Baraye auj-e-muqaddar yaheen thehar jaayen

Wara-e-hadd-e-guman hai tajalliyon ka saman Kahan milega yeh manzar yaheen thehar jaayen

Bala ki dhoop hai duniya ke reg-zaaron mein Yahan hai chhaon muyassar yaheen thehar jaayen

Your Lyrics, Even Offline - Install the App for Free!

Ajab kashish hai teri noor-khez galiyon mein Tamam raaste aakar yaheen thehar jaayen

Musafiran-e-reh-e-ishq yeh Madinah hai Yahan qayam hai behtar, yaheen thehar jaayen

Zareeh-e-paak se Talib sada yeh aati hai Durood-o-zikr ke khugar yaheen thehar jaayen