Yeh Hai Diyar e Payamber

یہ ہے دیارِ پیمبر یہیں ٹھہر جائیں براۓ اوجِ مقدر یہیں ٹھہر جائیں

وراۓ حدِ گماں ہے تجلیوں کا سماں کہاں ملے گا یہ منظر یہیں ٹھہر جائیں

بلا کی دھوپ ہے دنیا کے ریگ زاروں میں یہاں ہے چھاؤں میسر یہیں ٹھہر جائیں

عجب کشش ہے تری نور خیز گلیوں میں تمام راستے آکر یہیں ٹھہر جائیں

مسافرانِ رہِ عشق یہ مدینہ ہے یہاں قیام ہے بہتر، یہیں ٹھہر جائیں

ضریحِ پاک سے طالبؔ صدا یہ آتی ہے درود و ذکر کے خوگر یہیں ٹھہر جائیں