Yaad e Shah e Batha Mein

Yaad-e-Shah-e-Batha mein jo ashk bahate hain Ghar baith ke Tayyaba ka woh lutf uthate hain

Jo yaad-e-Madinah ko seenon mein basate hain Jeene ka maza aise ushshaq hi pate hain

Kis pyaar se ummat ke woh naaz uthate hain Isiyan ko ghulamon ke ashkon se mitate hain

Woh apne ghulamon ko dozakh se bachate hain Allah ki rehmat se jannat mein basate hain

Sarkar khilate hain sarkar pilate hain Sultan-o-gada sab ko sarkar nibhate hain

Rote hain tadapte hain yeh aap ke deewane Sarkar Madine ko phir qaafile jaate hain

Biphri hui maujon mein jab unko pukara hai Toofan se kashti ko woh paar lagate hain

Jitne bhi hain deewane un sab ko bula leeje Armaan gharibon ko Tayyaba ke rulate hain

Yeh aap ki marzi hai jin par bhi karam kardein Jannat ki sanad dene rauze pe bulate hain

Woh hashr ke maidan mein daaman mein chupayenge Hum sab ke yahan par bhi jo ayb chupate hain

Why Screenshot When You Can Download? Get the App for Efficient Storage!

Gham mujh ko Madine ka sarkar ata kardo! Aazaar zamane ke bekaar rulate hain

Qurban! sar-e-mehshar hum pyaas ke maaron ko Bhar bhar ke woh Kausar ke kya jaam pilate hain

Arsa hua ae Aaqa! Tayyaba se judai ko Attar ko kab jaana! phir dar pe bulate hain