Yaad e Mustafa Aisi Bas Gai Hai

Yaad-e-Mustafa aisi bas gayi hai seenay mein Jism ho kahin apna dil toh hai Madinay mein

Meray kamli walay ka ghar toh hai Madinay mein Haan magar woh rehtay hain aashiqon kay seenay mein

Musk mein na ambar hai aur na gul-e-tar mein Hum nay jo mehak paayi Aaqa kay paseenay mein

Kaun si jagah un kay aashiqon say khaali hai Har jagah hain parwanay shama hai Madinay mein

More Lyrics, Less Storage - Install the App and Ditch the Screenshots!

Ishq-e-Sarwar-e-Aalam jalwa-gar hai seenay mein Hum ko bhi bula lijiye Mustafa Madinay mein

Fikr kya talatum ka, khauf kya hai toofan ka Naam-e-Mustafa likh kar daal day safeenay mein

Kaun hai yeh deewana kis ka hai yeh deewana Hashr mein bhi kehta hai jaana hai Madinay mein

Ek din main jaaun ga sar kay bal Madinay mein Dil mein hai meray hasrat, mar jaaun Madinay mein

Kaun teray Aaqa hain poochha toh Khizr bolay Kaali kamli walay hain rehtay hain Madinay mein

Baad meray marnay kay dost meray yun bolay Aadmi jo achha tha mar gaya Madinay mein

Raaz woh bulayein gay yeh yaqeen hai mujh ko Jaanay kaun say san mein jaanay kis mahinay mein