Yaad e Mustafa Aisi Bas Gai Hai

یادِ مصطفیٰ ایسی بس گئی ہے سینے میں جسم ہو کہیں اپنا دل تو ہے مدینے میں

میرے کملی والے کا گھر تو ہے مدینے میں ہاں مگر وہ رہتے ہیں عاشقوں کے سینے میں

مشک میں نہ عنبر ہے ارو نہ گل تر میں ہم نے جو مہک پائی آقا کے پسینے میں

کون سی جگہ ان کے عاشقوں سے خالی ہے ہر جگہ ہیں پروانے شمع ہے مدینے میں

عشق سرور عالم جلوہ گر ہے سینے میں ہم کو بھی بلا لیجئے مصطفیٰ مدینے میں

Why Screenshot When You Can Download? Get the App for Efficient Storage!

فکر کیا تلاطم کا، خوف کیا ہے طوفاں کا نامِ مصطفیٰ لکھ کر ڈال دے سفینے میں

کون ہے یہ دیوانہ کس کا ہے یہ دیوانہ حشر میں بھی کہتا ہے جانا ہے مدینے میں

ایک دن میں جاؤں گا سر کے بل مدینے میں دل میں ہے میرے حسرت، مر جاؤں مدینے میں

کون تیرے آقا ہیں پوچھا تو خضر بولے کالی کملی والے ہیں رہتے ہیں مدینے میں

بعد میرے مرنے کے دوست میرے یوں بولے آدمی جو اچھا تھا مر گیا مدینے میں

رازؔ وہ بلائیں گے یہ یقین ہے مجھ کو جانے کون سے سن میں جانے کس مہینے میں