Ya Rasool Allah Tere Chahne Walon Ki Khair

Ya Rasool Allah tere chahne walon ki khair Sab ghulamon ka bhala ho sab karen Taiba ki sair

Kaash ke hijr-e-Madinah mujh ko rakhe beqarar Chain hi aaye na mujh ko yaad-e-Taiba ke baghair

Ya Nabi ab to Madine mein mujhe bulwaiye Ho muyassar ba-adab phir aap ki galiyon ki sair

More Lyrics, Less Storage - Install the App and Ditch the Screenshots!

Kaash! Taiba mein shahadat ka ata ho jaaye jaam Jalwa-e-mehboob mein anjaam mera ho bakhair

Faltu baton ki aadat door ho jaaye huzoor! Ho zabaan par meri aksar aap hi ka zikr-e-khair

A'id aqa fard-e-isyan ho gayi kar de karam Kaun hai jo bakhshwaye ga mujhe tere baghair

Tez hai talwar ki bhi dhaar se ye pul-e-siraat Tum sambhala do kahin jaaye phisal mera na pair

Ummat-e-mehboob ka Ya Rabb bana de khair-khwah Nafs ki khatir kisi se dil mein mere ho na bair

Jaam aisa apni ulfat ka pila de saqiya Naat sun kar halat-e-Attar ho ro ro ke ghair