Ya Rasool Allah Tere Chahne Walon Ki Khair

یارسولَ اللہ تیرے چاہنے والوں کی خیر سب غلاموں کا بھلا ہو سب کریں طیبہ کی سیر

کاش کے ہجرِ مدینہ مجھ کو رکھے بیقرار چَین ہی آئے نہ مجھ کویادِطیبہ کے بِغیر

یانبی اب تو مدینے میں مجھے بلوایئے ہو مُیسَّر با ادب پھر آپ کی گلیوں کی سَیر

کاش! طیبہ میں شہادت کا عطا ہو جائے جام جلوۂ محبوب میں انجام میرا ہو بخیر

فالتو باتوں کی عادت دُور ہو جائے حُضُور! ہو زباں پر میری اکثر آپ ہی کا ذکرِ خیر

عائد آقا فردِ عصیاں ہو گئی کر دے کرم کون ہے جو بخشوائے گا مجھے تیرے بِغیر

تیز ہے تلوار کی بھی دھار سے یہ پُلْ صراط تم سنبھالا دو کہیں جائے پھسل میرا نہ پَیر

Never Be Without Your Favorite Lyrics - Get the App for Offline Access!

اُمّتِ محبوب کا یارب بنا دے خیر خواہ نفس کی خاطِر کسی سے دل میں میرے ہو نہ بَیر

جام ایسا اپنی الفت کا پِلا دے ساقیا نعت سن کر حالتِ عطّارؔ ہو رو رو کے غَیر