Ya Nabi Mujh Ko Madine Mein Bulana

Ya Nabi mujh ko Madine mein bulana baar baar Baar baar aaun bane aakhir Madine mein mazaar

Hain hawain mehki mehki toh fazain khushgawar Zarra zarra hai Madine ka yaqeenan noorbaar

Kaash jab aaun Madine khoob taari ho junoon Ho gareeban chaak seena chaak daaman taar taar

Offline Lyrics Anytime, Anywhere - Download the App Today!

Maal ki kasrat ka takht-o-taaj ka taalib nahin Ho ata khasta jigar aur aankh de do ashkbaar

Wasta sibtain ka mera gunahon ka marz Door kar deeje khudara aye tabeeb-e-zi-waqar

Fikr-e-naz-e-rooh-o-qabr-o-hashr se bach jaata gar Kaash hota aap ki galiyon ka main gard-o-ghubaar

Aah chhaya hai gunahon ka andhera chaar soo Ho nigah-e-noor mujh par ya Shah-e-Alam Madaar

Kaash yaawa goyi bad-akhlaqi aur be-ja hansi Ki meri sab aadatein chootein mere Parwardigar

Misl-e-bismil main tarapta hi rahoon sarkar kaash! Aap ke gham mein rahoon Aaqa hamesha dil-figaar

Daulat-e-dunya se be-raghbat mujhe kar deejiye Meri haajat se mujhe zaid na karna maal-daar

Ho Madina hi Madina har ghari wird-e-zabaan Bas Madina hi ki ho takraar lab par baar baar

Gumbad-e-Khizra ki thandi thandi chhaon mein mira Khatima bil-khair ho aye kaash! mere Kirdgaar

Aye mere Aaqa azizon ne jise thukra diya Us ko qadmon se laga lo ghamzadon ke ghamgusaar

Arsa-e-mehshar mein Aaqa laaj rakhna aap hi Daaman-e-Attar hai sarkar be-had daghdaar