Ya Muhammad Ya Muhammad Jo Bhi Bole Ga

Ya Muhammad ﷺ Ya Muhammad ﷺ jo bhi bole ga Apne liye woh rehmat ke darwaze khole ga

Naam-e-Nabi ki barkat se jholi bhar jati hai Naam-e-Nabi ka sadqa sari dunya khati hai Dunya bhi is ki diwani naam bhi jo le ga

Naam-e-Nabi ki khatir jis ne jaan lutai hai Naam rahe ga zinda is ka aisa fidaai hai Is ke gunahon ko mehshar mein Rabb na tole ga

Chand kya do tukre pal mein ek isharay se Un ka noor chhalakta hai har ek sitaray se Maane ga jo noor-e-Nabi ko woh na dole ga

Why Screenshot When You Can Download? Get the App for Efficient Storage!

Lab pe durood-e-Paak saja ho aur main so jaaun Khwab mein un ka jalwa paaker is mein kho jaaun Naaz kare gi Jannat is par jo yoon so le ga

Jaam-e-karam ke pee le ga woh Saqi-e-Kausar se Rehmat ki khushbu-en aayengi is ke ghar se Jashn-e-Wiladat ka parcham hathon mein jo le ga

Jaen Madine mil kar hum Mehranؔ tamanna hai Ban jaen Sarkaar ke hum mehman tamanna hai Dekh muqaddar mein Maula phir khushiyan ghole ga