Ya Muhammad Ya Muhammad Jo Bhi Bole Ga

یا محمد ﷺ یا محمد ﷺ جو بھی بولے گا اپنے لیے وہ رحمت کے دروازے کھولے گا

نامِ نبی کی برکت سے جھولی بھر جاتی ہے نامِ نبی کا صدقہ ساری دنیا کھاتی ہے دنیا بھی اس کی دیوانی نام بھی جو لے گا

نامِ نبی کی خاطر جس نے جان لٹائی ہے نام رہے گا زندہ اس کا ایسا فدائی ہے اس کے گناہوں کو محشر میں رب نہ تولے گا

چاند کیا دو ٹکڑے پل میں ایک اشارے سے ان کا نور چھلکتا ہے ہر ایک ستارے سے مانے گا جو نور نبی کو وہ نہ ڈولے گا

لب پہ درودِ پاک سجا ہو اور میں سو جاؤں خواب میں اُن کا جلوہ پاکر اس میں کھو جاؤں ناز کرے گی جنت اس پر جو یوں سو لے گا

جام کرم کے پی لے گا وہ ساقیء کوثر سے رحمت کی خوشبوئیں آئیں گی اس کے گھر سے جشنِ ولادت کا پرچم ہاتھوں میں جو لے گا

جائیں مدینے مل کر ہم مہرانؔ تمنا ہے بن جائیں سرکار کے ہم مہمان تمنا ہے دیکھ مقدر میں مولا پھر خوشیاں گھولے گا