Ya Khuda Aik Din Jazba e Aashiqui

Ya Khuda ek din jazba-e-ashqi yeh karishma dikhaye to kya baat hai Kamli wale ke qadmon pe sar ho mera aur mujhe maut aaye to kya baat hai Woh Madinah jo Koonin ka taaj hai jis ka didaar-e-mu'min ki mi'raaj hai Zindagi mein Khuda har Musalman ko woh nazaara dikhaye to kya baat hai Jis pe ho jaaye un ki nigah-e-karam ja ke wapas na aaye to kya baat hai Jaane wala wahan dil se jaaye magar jaake wapas na aaye to kya baat hai Apna gham apna dukh apni majburiyan is liye sab se ro ro ke kehta hoon main Koi Haji taras kha ke sarkar ko mera dukhra sunaaye to kya baat hai Mujh ko ulfat ka itna sila chahiye khak hoon khak-e-tayba mein mil jaun main Ba'de marne ke anwar meri qabar par hon khajooron ke saaye to kya baat hai

Instant Access to Thousands of Lyrics - Tap to Install!