Ya Khuda Aik Din Jazba e Aashiqui

یا خدا ایک دن جذبہء عاشقی یہ کرشمہ دکھاۓ تو کیا بات ہے کملی والے کے قدموں پہ سر ہو مرا اور مجھے موت آۓ تو کیا بات ہے

وہ مدینہ جو کونین کا تاج ہے جس کا دیدار مومن کی معراج ہے زندگی میں خدا ہر مسلمان کو وہ نظارا دکھاۓ تو کیا بات ہے

جس پہ ہو جاۓ اُن کی نگاہِ کرم جا کے واپس نہ آۓ تو کیا بات ہے جانے والا وہاں دل سے جاۓ مگر جاکے واپس نہ آۓ تو کیا بات ہے

اپنا غم اپنا دکھ اپنی مجبوریاں اس لیے سب سے رو رو کے کہتا ہوں میں کوئی حاجی ترس کھا کے سرکار کو میرا دکھڑا سناۓ تو کیا بات ہے

مجھ کو الفت کا اتنا صلہ چاہیے خاک ہوں خاکِ طیبہ میں مل جاؤں میں بعد مرنے کے انور میری قبر پر ہوں کھجوروں کے ساۓ تو کیا بات ہے