Ya Ilahi Reham Farma

Ya Ilahi rahm farma Mustafa ke waste Ya Rasool Allah karam kije Khuda ke waste

Mushkilein hal kar Shah-e-Mushkil Kusha ke waste Kar balayein rad Shaheed-e-Karbala ke waste

Sayyid-e-Sajjad ke sadqe mein sajid rakh mujhe Ilm-e-haq de Baqir-e-Ilm-e-Huda ke waste

Sidq-e-Sadiq ka tasadduq Sadiq-ul-Islam kar Be-ghazab razi ho Kazim aur Raza ke waste

Bahr-e-Ma'roof-o-Sari Ma'roof de be-khud sari Jund-e-Haq mein gin Junaid-e-ba-safa ke waste

Bahr-e-Shibli Sher-e-Haq duniya ke kutton se bacha Ek ka rakh Abd-e-Wahid be-riya ke waste

Bu-al-Farah ka sadqa kar gham ko farah de Hasan-o-Sa'ad Bu-al-Hasan aur Bu-Sa'eed-e-Sa'ad-za ke waste

Qadiri kar Qadiri rakh Qadiriyon mein utha Qadr-e-Abdul Qadir-e-Qudrat-numa ke waste

Ahsan Allahu lahum rizqan se de rizq-e-hasan Bandah-e-Razzaq Taj-ul-Asfiya ke waste

Nasr-e-Abi Saleh ka sadqa Saleh-o-Mansoor rakh De hayat-e-deen Muhyi-e-jaan-faza ke waste

Toor-e-irfan-o-ulu-o-hamd-o-husna-o-baha De Ali Musa Hasan Ahmad baha ke waste

Bahr-e-Ibrahim mujh par naar-e-gham gulzar kar Bheek de Data bhikari Badshah ke waste

Why Screenshot When You Can Download? Get the App for Efficient Storage!

Khanah-e-dil ko ziya de roo-e-imaan ko jamal Shah Ziya Maula Jamal-ul-Awliya ke waste

De Muhammad ke liye rozi kar Ahmad ke liye Khwan-e-Fazlullah se hissa gada ke waste

Deen-o-duniya ke mujhe barkaat de Barkaat se Ishq-e-Haq de Ishqi-e-Ishq-e-intima ke waste

Hubb-e-Ahl-e-Bait de Aal-e-Muhammad ke liye Kar Shaheed-e-Ishq Hamzah peshwa ke waste

Dil ko achha tan ko suthra jaan ko pur-noor kar Achhay pyare Shams-e-Deen Badr-ul-Ula ke waste

Do jahan mein khadim-e-Aal-e-Rasool-e-Allah kar Hazrat-e-Aal-e-Rasool-e-muqtada ke waste

Sadqa un ayan ka de chhe ain izz ilm-o-amal Afw-o-irfan afiyat Ahmad Raza ke waste