Ya Habib Khuda Syed AL Ambiya

Ya Habib Khuda Sayyid al-Anbiya mujh ko dar pe bulaane mein kya der hai Meri bagdi bhi Aqa bana dijiye meri bagdi banane mein kya der hai

Aap hain be nuwanon ke hajat-rawa Aap Sarkar hain Bahr-e Jood o Sakhā Mujh pe bhi Aqa chashm-e-karam kiijye mujh pe nazrain uthane mein kya der hai

Aagaye loot kar zaairen haram hogaya aap ka un pe lutf o karam Main bhi talab Taibah ke didaar ka mujhe Taibah bulane mein kya der hai

Saqi dojaahan haami baykasaan Shah-e Jin o Bashar rehmat-e har zamaan Jam-e rehmat mujhe bhi pila dijiye jam mujh ko pilaane mein kya der hai

Main gunahgar hoon main khata-kaar hoon Aap hi ke karam ka talabgar hoon Mujh ko daaman mein apne chhupa lijiye mujh ko gham se bachane mein kya der hai

Chhor kar aap ke dar ko jaun kahaan aap jaisa sakhi koi paon kahaan Mujh ko bhi sadaqa-e Panjtan dijiye mujh ko sadaqa khilaane mein kya der hai

Get Lyrics On-The-Go! Download Our App Now!

Door kab tak yeh Taiba se Aabid rahe talkhiyan zindagani ki kab tak sahae Us ko qadmon mein Aqa bula lijiye us ko roza dikhane mein kya der hai