Wohi Meri Muhabat Ka Jahan Hai

Wohi meri mohabbat ka jahan hai Jo mujh par har tarah se mehraban hai

Nahin koi khatar, jab tak saron par Tumhari rehmaton ka saiban hai

Haqeeqat mein hai jo aashiq-e-Nabi ﷺ ka Wohi to zeenat-e-bazm-e-jahan hai

Shah-e-Batha hamein hai fakhr is par Dar-e-aqdas dar-e-amn-o-aman hai

Usay ek din milegi kamrani Waseela bhi dua ke darmiyan hai

Hawadis se hai woh be-khauf kitna Ke jis par Rab ki rehmat mehraban hai

Find Your Favorite Lyrics Anytime, Anywhere - Install the App Today!

Usay hai yaad dars-e-sabr kitna Gham-o-aalam mein jo shadman hai

Bayan un se karegi yeh khamoshi Nadeem ab tak jo is dil mein nahan hai