Woh Shama Ujala Jis Ne Kiya

Woh shama-e-ujala jis ne kiya chalis baras tak gharon mein Ek roz chamakne wali thi sab dunya ke darbaron mein

Gar arz-o-sama ki mehfil mein ''Lau laka lamma'' ka shor na ho Yeh rang na ho gulzaron mein, yeh noor na ho sayyaron mein

Jo falsafiyon se khul na saka jo nukta-waron se hal na hua Woh raaz ek kamli wale ne batla diya chand isharon mein

Download Lyrics & Access Offline - Install Our App Now!

Abu Bakr-o-Umar Usman-o-Ali hain kirnein ek hi mash'al ki Hum martaba hain yaran-e-Nabi kuch farq nahi in charon mein

Woh jins nahi iman jise le aayein dukan-e-falsafa se Dhoonde se milegi aaqil ko yeh Quran ke siparon mein