Woh Aap Ki Mehfil Mein

Woh aap ﷺ ki mehfil mein adab dekha gaya hai Jo dekha gaya muhr-ba-lab dekha gaya hai

Kya koi bataye ke khad-o-khaal thay kaise Suraj ki taraf gaur se kab dekha gaya hai

Zulmat mein kahan dikhta hamein jaada-e-manzil Ek naqsh-e-kaf-e-paa ke sabab dekha gaya hai

Find Your Favorite Lyrics Anytime, Anywhere - Install the App Today!

Dushman pe inayat ki koi reet kahan thi Aap ﷺ aaye hain duniya mein yeh tab dekha gaya hai

Musa ؑ ke tasawwur mein bhi maujood nahi tha Jo qurb ke Meraj ki shab dekha gaya hai

Chhota tere bachon se tera shahr-e-Madinah Tareekh mein aisa bhi ghazan dekha gaya hai

Mujh jaise ki khatir bhi khula hai dar-e-rehmat Bari yahan kab naam-o-nasab dekha gaya hai