Unki Nisbat Jab Mili Toh Zindagi Achi Lagi

Un ki nisbat jab mili to zindagi achi lagi Laaye jab imaan un par bandagi achi lagi Ho gaya jab mera un naat khwanon mein shumar Naat khwani qudsiyon ko bhi meri achi lagi Jaake jab dekhi hai aankhon se Madinah ki bahaar Jis taraf uthi nazar har cheez hi achi lagi Jab bane saare nabi Aqsa mein un ke muqtadi Yeh imamat nooriyon ko bhi badi achi lagi Mehruma ke noor se roshan hai garche kainaat Dil ko zikr-e-Mustafa ki roshni achi lagi Har gada paata hai un ke dar se dil ki har murad Har gada ko un ka dar un ki gali achi lagi Do jahaan ki naaten daaman mein us ke aagayin Jis ke dil ko dolat-e-dard-e-Nabi achi lagi Soye jannat gumbad-e Khizri ke saaye me chalo Baat ye ahl-e-muhabbat ki badi achi lagi Ho gaye lakhon hi insaan is se wabastah jise Daman-e-Sarkar se wabastagi achi lagi Qaisri mujh ko kabhi achi lagi na ae Riyaz Jab lagi achi to shan-e-Haideri achi lagi

No More Screenshots! Save Storage with Our Lyrics App!