Unki Nisbat Jab Mili Toh Zindagi Achi Lagi

اُن کی نسبت جب ملی تو زندگی اچھی لگی لاۓ جب ایمان ان پر بندگی اچھی لگی

ہو گیا جب میرا ان نعت خوانوں میں شمار نعت خوانی قدسیوں کو بھی میری اچھی لگی

جاکے جب دیکھی ہے آنکھوں سے مدینے کی بہار جس طرف اٹھی نظر ہر چیز ہی اچھی لگی

Why Screenshot When You Can Download? Get the App for Efficient Storage!

جب بنے سارے نبی اقصیٰ میں ان کے مقتدی یہ امامت نوریوں کو بھی بڑی اچھی لگی

مہرومہ کے نور سے روشن ہے گرچہ کائنات دل کو ذکرِ مصطفیٰ کی روشنی اچھی لگی

ہر گدا پاتا ہے ان کے در سے دل کی ہر مراد ہر گدا کو ان کا در ان کی گلی اچھی لگی

دوجہاں کی نعتیں دامن میں اس کے آگئیں جس کے دل کو دولتِ دردِ نبی اچھی لگی

سوۓ جنت گنبدِ خضریٰ کے ساۓ میں چلو بات یہ اہل محبت کی بڑی اچھی لگی

ہوگۓ لاکھوں ہی انساں اس سے وابستہ جسے دامنِ سرکار سے وابستگی اچھی لگی

قیصری مجھ کو کبھی اچھی لگی نہ اے ریاضؔ جب لگی اچھی تو شانِ حیدری اچھی لگی