Un Logon Ki Qismat Ke Tabinda Sitare Hain

Un logon ki qismat ke tabinda sitaaray hain Jin logon ne Tayyiba mein din chaar guzaare hain

Par-noor fazaain hain par kaif hawaaein hain Kya baat Madinah ki kya khoob nazaarein hain

Naazaan hain muqaddar par baithay hain sakhi dar par Dekh to koi aakar kya bhag hamare hain

Why Screenshot When You Can Download? Get the App for Efficient Storage!

Hote hain nichhaawar waan nazranae daroodon ke Sarkar ki chaukhat ke kya khoob nazaare hain

Jo pyaar karein dil se Sarkar ke pyaaron se Allah ke pyare ko woh jaan se pyare hain

Jab yaad karun un ko madad ko aate hain Mail-e-karam har dam mehboob hamare hain

Sarkar ke sadaqe mein har cheez mili hum ko Allah ke aage jab yeh haath pasaaray hain

Bugda hai na bigde ga kuch mera zamane mein Mujh ko mere Aaqa ki rehmat ke sahare hain

Jo dil se sajaate hain naimaton ki haseen mehfil Allah ne din un ki qismat ke sanware hain

Jaon ga Niazi mein phir shehar Madinah mein Is aas par din maine ro-ro ke guzare hain