Un Logon Ki Qismat Ke Tabinda Sitare Hain

اُن لوگوں کی قسمت کے تابندہ ستارے ہیں جن لوگوں نے طیبہ میں دن چار گزارے ہیں

پرنور فضائیں ہیں پر کیف ہوائیں ہیں کیا بات مدینےکی کیا خوب نظارےہیں

نازاں ہیں مقدرپر بیٹھے ہیں سخی در پر دیکھےتوکوئی آکرکیا بھاگ ہمارے ہیں

ہوتے ہیں نچھاور واں نذرانے درودوں کے سرکار کی چوکھٹ کےکیا خوب نظارےہیں

جو پیارکریں دل سے سرکار کے پیاروں سے اللہ کے پیارے کووہ جان سے پیارے ہیں

جب یاد کروں اُن کو امداد کو آتے ہیں مائل بہ کرم ہر دم محبوب ہمارے ہیں

سرکار کے صدقے میں ہر چیز ملی ہم کو اللہ کے آگے جب یہ ہاتھ پسارے ہیں

بگڑا ہے نہ بگڑے گا کچھ میرا زمانے میں مجھ کو میرے آقا کی رحمت کے سہارے ہیں

جو دل سے سجاتے ہیں نعمتوں کی حسیں محفل اللہ نے دن اُن کی قسمت کے سنوارے ہیں

جاؤں گا نیازیؔ میں پھر شہر مدینہ میں اس آس پہ دن میں نے رورو کے گزارے ہیں