Un ke Darbar Pe Jo log Sada Karte Hain

Un ke darbaar pe jo log sada hain Har museebat se woh mehfooz raha karte hain

Jhoom uthti hai sar-e-arsh Khuda ki rehmat Jab gunahgaar ki khatir woh dua karte hain

Mere Aaqa ko Madine mein na mehdood karo Aap khudaam ke seenon mein raha karte hain

Zikr-e-Sarkar mein toh zikr-e-Khuda hai wallah Is liye hum toh Muhammad ﷺ ki sana karte hain

Apni chaadar ko bicha dete hain ghairon ke liye Jaan ke dushman ka bhi woh aise bhala karte hain

Mutmain hoon ke bacha lenge sar-e-hashr mujhe Kab gawaara woh bhala mujh pe saza karte hain

Maut aati hai faqat un ki ziyaarat ke liye Un ki khatir jo jiya aur mara karte hain Hum juda samjhein toh hai is mein hamari hi khata Hum ghulamon ko woh kab khud se juda karte hain

Offline Lyrics Anytime, Anywhere - Download the App Today!

Dhaanp lete hain woh daaman-e-karam se Nasir Hum siyah-kaar agar koi khata karte hain