We've added ads to help keep the platform running and improving for you. Learn More
Tujh Pe Pooray Kabhi
Nisar Nasik
Tujh pe pooray kabhi utray nahi mayaar meray Lafz ke aajz ka izhaar hain ash'aar meray
Saaybaan hai mera ehsaas tere honay ka Jis ke saaye mein kharay hain dar-o-deewaar meray
Teri naaton se attay hain tere Ramzan ke shehr Teri khushboo se bharay qaryah-o-bazaar meray
Ghantiyan rooh ke sanaton mein baj uthti hain Jab bhi yaad aatay hain woh kaarwaan-saalaar meray
Your Lyrics, Even Offline - Install the App for Free!
Meray dushman ke labon par tera naam aaya tha! Khud-ba-khud gir gayi haath se talwaar meray
Naat parhta hoon to mehsoos yeh hota hai Nisarؔ Yahin is bazm mein maujood hain Sarkar ﷺ meray
