Tujh Pe Pooray Kabhi

تجھ پہ پورے کبھی اترے نہیں معیار مرے لفظ کے عجز کا اظہار ہیں اشعار مرے

سائباں ہے مرا احساس ترے ہونے کا جس کے ساۓ میں کھڑے ہیں درودیوار مرے

تیری نعتوں سے اَٹے ہیں ترے رمضان کے شہر تیری خوشبو سے بھرے قریہ و بازار مرے

گھنٹیاں روح کے سناٹوں میں بج اٹھتی ہیں جب بھی یاد آتے ہیں وہ کارواں سالار مرے

میرے دشمن کے لبوں پر ترا نام آیا تھا! خود بخود گر سی ہاتھ سے تلوار مرے

نعت پڑھتا ہوں تو محسوس یہ ہوتا ہے نثارؔ یہیں اس بزم میں موجود ہیں سرکارؐ مرے