Tu Sham e Risalat Hai

Tu shama-e-risalat hai alam tera parwana Tu mah-e-nabuwwat hai ay jalwa-e-janana

Sarshar mujhe kar de ik jaam-e-labalab se Ta-hashr rahe saqi abad yeh maikhana

Dil apne chamak uthein imaan ki talat se Ke aankhein bhi noorani ay jalwa-e-janana

Kyun zulf-e-muambar se kooche na mahak uthte Hai panja-e-qudrat jab zulfon ki teri shana

Har phool mein boo teri har shama mein zoo teri Bulbul hai tera bulbul parwana hai parwana

Get Lyrics On-The-Go! Download Our App Now!

Sang-e-dar-e-janan par karta hoon jabeen saai Sajda na samajh zahid sar deta hoon nazrana

Mamoor ise farma veeran hai dil-e-Noori Jalwe tere bas jayein abad ho veerana