Tu Sham e Risalat Hai

تو شمع رسالت ہے عالم تیرا پروانہ تو ماہِ نبوت ہے اے جلوۂ جانانہ

سرشار مجھے کر دے اک جام لبالب سے تا حشر رہے ساقی آباد یہ میخانہ

دل اپنے چمک اٹھیں ایمان کی طلعت سے کے آنکھیں بھی نورانی اے جلوۂ جانانہ

کیوں زلف معنبر سے کوچے نہ مہک اٹھتے ہے پنجۂ قدرت جب زلفوں کی تری شانہ

ہر پھول میں بو تیری ہر شمع میں ضو تیری بلبل ہے تیرا بلبل پروانہ ہے پروانہ

سنگِ در جاناں پر کرتا ہوں جبیں سائی سجدہ نہ سمجھ زاہد سر دیتا ہوں نذرانہ

معمور اسے فرما ویراں ہے دلِ نوری جلوے تیرے بس جائیں آباد ہو ویرانہ