Tu Ne Har Shakhs Ki Taqdeer

Tu ne har shakhs ki taqdeer mein likhi Aakhri khutbay ki surat mein wasiyat likhi

Tu ne kuchlay huay logon ka sharaf lautaya Adl ke saath hi ehsan ki daulat likhi

Sarhad-e-rang ba-unwan-e-ukhuwwat dhayi Waraq-e-dahr pe har satr mohabbat likhi

Tu ne har zarray ko suraj se ham-ahang kiya Tu ne har qatray mein ik bahr ki wus'at likhi

Husn-e-aakhir ne kiya husn ko aakhir tujh par Aakhri roop diya, aakhri surat likhi

Find Your Favorite Lyrics Anytime, Anywhere - Install the App Today!

Silsilay band kiye mohar-e-nabuwwat tu ne Safha-e-arz pe ik aakhri ummat likhi

Khalid Ahmad teri nisbat se hai Khalid Ahmad Tu ne paatal ki qismat mein bhi rif'at likhi