Thandi Thandi Hawa Madine Ki

Thandi thandi hawa Madine ki Mehki mehki fiza Madine ki

Aarzoo hai Khuda-e-Azz-o-Jal Madine ki Mujh ko galiyaan dikha Madine ki

Chaaon to har jagah ki thandi par Dhoop bhi dilruba Madine ki

Phool to phool khaar bhi dilkash Pattiyan dilruba Madine ki

Zarra zarra wahan ka noorani Hai munawwar fiza Madine ki!

Ghamzada aankh khol ke dekho Chha gayi hai ghata Madine ki

Your Lyrics, Even Offline - Install the App for Free!

Kyun ho mayoos ae mareezon tum Le lo khaak-e-shifa Madine ki

Bhai-e-Talib-e-Baqee hoon main Mujh ko de do dua Madine ki

Raat din ye tumhare ﷺ deewane Maangte hain dua Madine ki

Ja ke Attar phir Madine mein Rehmaten lootna Madine ki

Aah Attar ban gaya insaan Khaak kyun na bana Madine ki