Teri Rehmatoo'n Ka Darya Sare Aam Chal Raha Hai

Teri rehmaton ka darya sar-e-aam chal raha hai Mujhe bheek mil rahi hai mera kaam chal raha hai

Mere dil ki dhadkanon mein hai shareek naam tera Usi naam ki badaulat mera naam chal raha hai

Yeh chaand aur sitaray yeh silsilay jahan ke Tere qadmon ki badaulat yeh nizaam chal raha hai

Teri masti nazar se hai bahaar-e-maikaday ki Wohi may baras rahi hai wohi jaam chal raha hai

Your Lyrics, Even Offline - Install the App for Free!

Yeh karam hai khaas tera ke safeena-e-zindagi ka Kabhi subah chal rahi kabhi shaam chal raha hai

Milad hum karenge chahay saari dunya rokay Milad hi ke sadqay yeh jahan chal raha hai

Sar-e-arsh naam tera sar-e-hashr baat teri Kahin baat chal rahi hai kahin naam chal raha hai

Mere daaman-e-gadai mein hai bheek Mustafa ki Usi bheek par to Qasim mera kaam chal raha hai