Teri Rehmatoo'n Ka Darya Sare Aam Chal Raha Hai

تیری رحمتوں کادریا سر عام چل رہا ہے مجھے بھیک مل رہی ہے میرا کام چل رہا ہے

میرے دل کی دھڑکنوں میں ہے شریک نام تیرا اسی نام کی بدولت میرا نام چل رہا ہے

یہ چاند اور ستارےیہ سلسلے جہاں کے ترے قدموں کی بدولت یہ نظام چل رہا ہے

تیری مستی نظر سے ہے بہار میکدے کی وہی مئے برس رہی ہے وہی جام چل رہا ہے

Offline Lyrics Anytime, Anywhere - Download the App Today!

یہ کرم ہے خاص تیرا کہ سفینہ زندگی کا کبھی صبح چل رہی کبھی شام چل رہا ہے

میلاد ہم کریں گے چاہےساری دنیا روکے میلاد ہی کے صدقے یہ جہان چل رہا ہے

سرِ عرش نام تیرا سرِ حشر بات تیری کہیں بات چل رہی ہے کہیں نام چل رہا ہے

مرے دامن گدائی میں ہے بھیک مصطفیٰ کی اسی بھیک پر تو قاسم میرا کام چل رہا ہے