Tere Qurban Habibi Ya Maula e

Teri rehmat yeh shab ghari layi Tere qurban habibi ya Maula-i ﷺ

Mere gulshan pe bhar bahaar aayi Tere qurban habibi ya Maula-i ﷺ Shukr mein jhuk gaya hai sar mera Tere qurban habibi ya Maula-i ﷺ

Dard-e-furqat se dil mera muztar Ho raha tha magar mere dilbar Dard-e-doori yeh tune farmayi Tere qurban habibi ya Maula-i ﷺ

Get Lyrics On-The-Go! Download Our App Now!

Phans gaya jab ghamon ke changal mein Jab dhansa mushkilon ki daldal mein Foran imdad tune farmayi Tere qurban habibi ya Maula-i ﷺ

Chaar janib thay mere ranj-o-alam Par karam se tere Shah-e-Umam ﷺ Baat bigri hui thi ban aayi Tere qurban habibi ya Maula-i ﷺ

Ashk hote hain aankh se jaari Ranj hota hai rooh par taari Yaad-e-Taibah ki jab tarpayi Tere qurban habibi ya Maula-i ﷺ

Ya Nabi ﷺ deed hogi kab teri Ik muddat se aankh hai meri Tere deedar ki tamannai Tere qurban habibi ya Maula-i ﷺ

Yasmeen mein na woh saman mein hai Na jinan ke haseen chaman mein hai Dasht-e-Taibah mein jo hai ra'anai Tere qurban habibi ya Maula-i ﷺ