Taqdeer Jagayi Hai Jagate Hi Rahein Ge

Taqdeer jagaai hai jagate hi raheNge Sarkar Madinay mein bilate hi raheNge

Free Up Space - Get Lyrics Without Bulky Screenshots!

Aawaz ka yeh husn to do din ka hai mehmaan Yeh ashk mereNaat sunaate hi raheNge

Hai mere gunaahon se karam unka zyada Woh daaman-e rehmat mein chhupa-te hi raheNge

Rahti hai unhein hum se sawa fikr hamari Woh hum ko tabahi se bachate hi raheNge

Jannat se haseen tar hain Madinay ki fazaain Rauze ko tasawwur mein sajate hi raheNge

Jab yaad kiya jata hai aajate hain Sarkar Hum qurb ka yeh jashn manate hi raheNge

Hai qurb haqiqat mein tere qurb ka ehsaas Naaton se yeh ehsaas jagaate hi raheNge

Yaad-e Shah Abrar mein rona hai ibadat Hum zabt ki diwaar giraate hi raheNge

Woh deen hain iman hain Quran hain mera Anjum woh mujhe raah dikhate hi raheNge