Taqdeer Jagayi Hai Jagate Hi Rahein Ge

تقدیر جگائی ہے جگاتے ہی رہیں گے سرکار مدینے میں بلاتے ہی رہیں گے

آواز کا یہ حسن تو دو دن کا ہے مہماں یہ اشک میرےنعت سناتےہی رہیں گے

ہے میرے گناہوں سے کرم ان کا زیادہ وہ دامنِ رحمت میں چھپاتے ہی رہیں گے

رہتی ہے انہیں ہم سے سوا فکر ہماری وہ ہم کو تباہی سے بچاتے ہی رہیں گے

جنت سےحسیں تر ہیں مدینے کی فضائیں روضے کو تصور میں سجاتے ہی رہیں گے

جب یاد کیا جاتا ہے آجاتےہیں سرکار ہم قرب کا یہ جشن مناتےہی رہیں گے

ہے قرب حقیقت میں تیرے قرب کا احساس نعتوں سے یہ احساس جگاتے ہی رہیں گے

Why Screenshot When You Can Download? Get the App for Efficient Storage!

یادِ شہ ابرار میں رونا ہے عبادت ہم ضبط کی دیوار گراتےہی رہیں گے

وہ دین ہیں ایمان ہیں قرآن ہیں میرا انجم وہ مجھے راہ دکھاتے ہی رہیں گے