Sukoon e Qalb Hai Khuld

Sukoon-e-qalb hai khuld-e-nazar Madinah hai Nishan-e-azmat-e-Khair-ul-Bashar ﷺ Madinah hai

Tamam husn-o-latafat tamam ra'nai Gohar Madinah hai aab-e-gohar Madinah hai

Dara saki na mujhe sham-e-gham ki tanhai Mere wajood mein noor-e-sahar Madinah hai

Hazar shehar hain dunya mein shaad aur aabad Magar woh shehar jo "pi ka nagar" Madinah hai

Madine ja ke hua hai ajeeb haal mera Harak se pooch raha hoon kidhar Madinah hai

Na pooch mujh se mere mustaqar ka haal ahwal Main kya bataoon ke mera to ghar Madinah hai

Bahane paaye khirad dhoondta hi rehta hai Udhar yeh haal ki pesh-e-nazar Madinah hai

Musafiran-e-rah-e-shauq itna jaante hain Safar Madinah hai zaad-e-safar Madinah hai

Why Screenshot When You Can Download? Get the App for Efficient Storage!

Mujhe nahi kisi manzar se wasta Aslam Nigah-e-shauq mein aathon pehar Madinah hai