Sukoon e Qalb Hai Khuld

سکونِ قلب ہے خُلدِ نظر مدینہ ہے نشانِ عظمتِ خیر البشرؐ مدینہ ہے

تمام حسن و لطافت تمام رعنائی گہر مدینہ ہے آبِ گہر مدینہ ہے

ڈرا سکی نہ مجھے شامِ غم کی تنہائی مرے وجود میں نورِ سحر مدینہ ہے

ہزار شہر ہیں دنیا میں شاد اور آباد مگر وہ شہر جو"پی کا نگر" مدینہ ہے

مدینے جا کے ہُوا ہے عجیب حال مرا ہراک سے پوچھ رہا ہوں کدھر مدینہ ہے

نہ پوچھ مجھ سے مرے مستقر کا حال احوال میں کیا بتاؤں کہ میرا تو گھر مدینہ ہے

Download Lyrics & Access Offline - Install Our App Now!

بہانے پاۓ خرد ڈھونڈتا ہی رہتا ہے ادھر یہ حال کی پیشِ نظر مدینہ ہے

مسافرانِ رہ شوق اتنا جانتے ہیں سفر مدینہ ہے زادِ سفر مدینہ ہے

مجھے نہیں کسی منظر سے واسطہ اسلمؔ نگاہِ شوق میں آٹھوں پہر مدینہ ہے