Sue Taiba Jane Walo

Soye-Tayyaba jaane walo! Mujhe chhor kar na jaana Meri aankhon ko dikha do Shah-e-Deen ka aastana

Hain woh jaaliyan sunheri meri hasraton ka mehwar Woh sambhaala mujh ko denge jo hain khaas Rab ke dilbar

Mujhe pahunch kar Madinah nahi laut kar hai aana Soye-Tayyaba jaane walo! Mujhe chhor kar na jaana

Main tarap raha hoon tanha meri bebasi toh seekho Main aseer-e-ranj-o-gham hoon meri bekali toh dekho

Zara Roza-e-Nabi ka mujhe raasta batana Soye-Tayyaba jaane walo! Mujhe chhor kar na jaana

Stop Wasting Storage - Download Lyrics in Lightweight Text Format!

Dar-e-Mustafa par meri jab haazri lage gi Mujhe phir karam se un ke nayi zindagi mile gi

Koi kal ka ek pal ka nahi kuch bhi hai bharosa Mujhe hamsafar bana lo kahin reh na jaaun pyaasa

Dar-e-Mustafa hai Ishrat mera aakhri thikana Soye-Tayyaba jaane walo! Mujhe chhor kar na jaana