Soye Batt'ha Yeh Samajh

Soo-e-Batha yeh samajh kar hain zamane jaate Yeh woh roza hai jahan dil nahi tode jaate

Parda-e-meem ke asraar jo khole jaate Do jahan noor-e-Muhammad mein nahaye jaate

Rehte Sarkar ke kya khalq se jaane jaate Sab pe asraar-e-mohabbat nahi khole jaate

Get Lyrics On-The-Go! Download Our App Now!

Maane-e-hashr hai Aaqa ka na samjha jaana Hashr ho jaata agar waqai samjhe jaate

Seerat-e-paak se Quran jo na roshan hota Sirf alfaaz hi reh jaate thay ma'ani jaate

Jism ke saath uthaye gaye jabke Isa Noor-e-kul kyun shab-e-Isra na badan se jaate

Unke kirdaar ka qad naap rahi hai duniya Jin ke deewanon ke qad tak nahi naape jaate

Bhool jaate thay Sahaba gham-o-aalaam apne Dekh lete thay jo Sarkar ko aate jaate