Sochta Hun Main Woh Ghari

Sochta hoon main woh ghari kya ajab ghari ho gi Jab dar-e-Nabi par hum sab ki haziri ho gi

Arzu hai seenay mein ghar banay Madinay mein Ho karam jo banday par banda parwari ho gi

Kibriya ke jalvon se kya samaan bandha ho ga Mehfil-e-Nabi jis dam Arsh par saji ho gi

Instant Access to Thousands of Lyrics - Tap to Install!

Baat kya hai baad-e-saba itni kyun muattar hai Sabz sabz gumbad ko choom kar chali ho gi

Sau khulain ge us ke liye rehmaton ke darwazay Naat-e-Mustafa jis ne aik bhi suni ho gi

Aik hi nishani hai Mustafa ke aashiq ki Mustafa ke aashiq ki aankh mein nami ho gi

Dekh to Niazi zara so gaya kya deewana Un ki yaad mein shayad aankh lag gayi ho gi