Seerat Karun Bayan

Seerat karoon bayaan, sifaat-e-Nabi ﷺ likhoon Izn-e-sukhan mile toh main naat-e-Nabi ﷺ likhoon

Har kaifiyat mein aap ﷺ mere saath saath hain Rotay rulatay, hanstay hansatay Nabi ﷺ likhoon

Khaliq ne maal-e-husn-e-farawan unhein diya Gulzar-e-dahr ko main zakat-e-Nabi ﷺ likhoon

Hai naat-goi mein bhi zaroori kuch ehtiyat Main pul-e-sirat ko bhi sirat-e-Nabi ﷺ likhoon

No Internet? No Problem! Get the App for Offline Lyrics!

Main rabt-o-sabr-o-zabt se waqif nahi abhi Kis tarah waqiat-e-hayat-e-Nabi ﷺ likhoon

Mujh sa gunah-gar bhi aaya hai raah par Is ko bhi main karishma-e-zaat-e-Nabi ﷺ likhoon

Nasir Bashir jab mujhe aata nahi qarar Dil aap hi chahta hai ke naat-e-Nabi ﷺ likhoon