Seerat Karun Bayan

سیرت کروں بیان، صفاتِ نبیؐ لکھوں اذنِ سخن ملے تو میں نعتِ نبیؐ لکھوں

ہر کیفیت میں آپؐ مرے ساتھ ساتھ ہیں روتے رلاتے، ہنستے ہنساتے نبیؐ لکھوں

خالق نے مالِ حسنِ فراواں انھیں دیا گلزار دہر کو میں زکوٰۃ نبیؐ لکھوں

ہے نعت گوئی میں بھی ضروری کچھ احتیاط میں پل صراط کو بھی صراط نبیؐ لکھوں

میں ربط و صبر و ضبط سے واقف نہیں ابھی کس طرح واقعاتِ حیات نبیؐ لکھوں

Download Lyrics & Access Offline - Install Our App Now!

مجھ سا گناہ گار بھی آیا ہے راہ پر اس کو بھی میں کرشمۂ ذات نبیؐ لکھوں

ناصر بشیرؔ جب مجھے آتا نہیں قرار دل آپم چاہتا ہے کہ نعت نبیؐ لکھوں