Sarkar Ke Rozay ko Tarasti Hain Yeh Aankhein

Sarkar ke roze ko tarasti hain yeh aankhein Deedar-e-Muhammad mein barasti hain yeh aankhein

Is baat ki dhun hai inhe bas dekhein Madinah Is shauq-e-junoon mein nahi thakti hain yeh aankhein

Shayad ke kami in mein hai jalwon se hain mehroom Har roz yahi baat samajhti hain yeh aankhein

Lab mere khamoshi ki zabaan bol rahe hain Mala Shah-e-Abrar ki japti hain yeh aankhein

In aankhon ko is ke siva bhata nahi kuch bhi Hijr-e-gham-e-Sarwar mein machalti hain yeh aankhein

Uth jaati hain jis samt toh rehmat hai barasti Paigham-e-Khuda khalq ko deti hain yeh aankhein

Stop Wasting Storage - Download Lyrics in Lightweight Text Format!

Ummat ke liye royein jo in aankhon ke sadqe Azam ko bhi toh apna samajhti hain yeh aankhein